Teri Maya Ka Na Paya Koi paar ki Leela Teri Tu Hi Jaane (तेरी माया का ना पाया कोई पार, की लीला तेरी तु ही जाने - भजन)

Teri Maya Ka Na Paya Koi paar,
ki Leela Teri Tu Hi Jaane,
Tu Hi Jane Wo Shyam Tu Hi Jane,
Sari Duniya Ke Srijan Haar,
ki Leela Teri Tu Hi Jaane ॥Bandi Grah Me Janm Liya Aur Pal Bhar Wahan Na Thahara,
Tut Gaye Sab Tale So Gaye Dete The Jo Pahara,
Aaya Ambar Se Sandesh Maano Vasudev Aadesh,
Balak Leke Jao Nand Ji Ke Dwar,
ki Leela Teri Tu Hi Jaane ॥

Barakha Prabal Chanchala Chapala Kans Samaan Darawe,
Aise Me Shishu Ko Lekar Koi Baahar Kese Jaaye,
Prabhu Ka Sevak Sheshanaag Dekho Jagai Usake Bhaag,
Usane Phan Pe Roka Barakha Ka Bhaar,
ki Leela Teri Tu Hi Jaane ॥

Vasudev Ji Himmat Hare Dekh Chadhee Jamuna ko,
Charan Chumane Ki Abhilaasha Ki Himgiri Lalana Ko,
Tune Pag Sukumar Diye Pani Me Utaar,
Chu Ke Rasta Ban Gae Yamuna Ki Dhar,
ki Leela Teri Tu Hi Jaane ॥

Nand Ke Ghar Pahunche Yashoda Ko Bhaagy Se Sota Paaya,
Kanya Lekar Shishu Chhoda To Haye Re Maan Bhar Aaya,
Koi Hanse Chaahe Roye Tu Jo Chaahe Wahi Hoy,
Sari Bato Pe Tujhe Hai Adhikar,
ki Leela Teri Tu Hi Jaane ॥

Lau Aagi Rakshasi Putana Maya Jal Bichhane,
Maan Se Balak Chhin Ke Le Gai Bish Bhara Dudh Pilane,
Teri Shakti Ka Anuman Kar Na Pai Wo Nadan,
Jis Ko Mara Tune Usko Diya Tar,
ki Leela Teri Tu Hi Jaane ॥

Maat Yashoda Kahati Rahi Natakhat Kanha Chanchal Se,
Aaj Nahi Chhodungi Tujhako Bandhugi Okhal Se,
Maiya Jitana Bandhati Kasati Chhoti Pad Jati Thi Rassi,
Wo To Khich Khich Rassi Ko Har Haar,
ki Leela Teri Tu Hi Jaane ॥

Dapat Rahi Jab Maiya Lalana Kahe Mati Khaayau,
Khol Ke Tumane Mukh Ko Apane Tab Branhand Dikhayau,
Maat Yashoda Linhi Jaan Tum Ho Sachhat Bhagavan,
Humto To Inta Jane Vishnu Ke Avtar,
ki Leela Teri Tu Hi Jaane ॥

Kirnavrat Ko Laat Padi To Mataki Me Ja Ataka,
Daity Ko Dudh Dahi Se Nahala Ke Chulhe Me De Pataka,
Fir Bhi Na Maana Badamaash Prabhu Ko Le Pahuncha Aakash,
Hai Wahi Uska Kiya Re Sahar,
ki Leela Teri Tu Hi Jaane ॥

Kakasur Ki Pakad Ke Gardan Jab Tune Tha Phenka,
Girata Padata Asur Wo Sidha Kans Sabha Me Pahuncha,
Bola Kans Se Wo Rajan Balak Nahi Hai Wo Sadharan,
Mujhako Lagata Wo Hari Ka Avataar,
Teri Maya Na Paya Koi Paar,
ki Leela Teri Tu Hi Jaane ॥

Kam Na Chalata Tha Jahan Pe Dhanush Se Aur Banon Se,
Tumane Jiti vo baajee bhee muralee kee taano se,
Tu Hi Haar Tu Hi Jeet Tu Hi Sur Tu Hi Sangeet,
Tu Hi Payal Tu Hi Payal Tu Hi Jhankar,
Teri Maya Na Paya Koi Paar,
ki Leela Teri Tu Hi Jaane ॥

Bhakt Hun Main Aur Tu Hai Bhagavan Main Nar Tu Naraayan,
Kya Samajhunga Maya Teri Main Nar Hun Sadhaaran,
Bhagavan Main Murakh Nadaan Tumako Tihun Lok Ka Gyaan,
Tu Hi kan Kan Mein Samaya Nirakar,
ki Leela Teri Tu Hi Jaane ॥

Adharon Pe Sohe Bansuriya Kandhe Kaval Kali,
Sanvali Suratiya Par Main To Bal Bal Jau Saanvariyaan,
Tu Hai Nand Baba Ki Jaan Teri Jay Ho Krshn Bhagavan,
Tere Gun Gaye Ye Sara Sansar,
Teri Maya Ka Na Paya Koi Paar,
ki Leela Teri Tu Hi Jaane ॥

Naino Me Karuna Ka Kajal Baje Chham Chham Payal,
Shish Pe Mor Mukut Sohe Aur Kaan Me Sohe Kundal,
Kanha Tera Rup Salona Jese Chamake Koi Sona,
Sabke Maan Pe Mohan Tera Adhikar,
ki Leela Teri Tu Hi Jaane ॥

Madhuban Ko Karate Hai Sugandhit Baal Tere Ghungharale,
Lehar Lehar Tere Rup ki Pyasi Mohan Murali Wale,
Tujh Pe Tan Maan Ware Radha Teri Darash Diwani Meera,
Chanda Taare Kare Tera Shrngaar,
Teri Maya Ka Na Paya Koi Paar,
ki Leela Teri Tu Hi Jaane ॥

Mathura Me Hai Tu Hi Mohan Tu Hi Vrndavan Me,
Tu Hi Kunj Galin Ko Wasi Tu Hi Govardhan Me,
Tu Hi Thumake Nand Bhavan Me Tu Hi Chamake Nil Gagan Me,
Karta Raas Tu Hi Jamuna Ke Paar,
ki Leela Teri Tu Hi Jaane ॥

Teri Maya Ka Na Paya Koi paar,
ki Leela Teri Tu Hi Jaane,
Tu Hi Jane Wo Shyam Tu Hi Jane,
Sari Duniya Ke Srijan Haar,
ki Leela Teri Tu Hi Jaane ॥