Shiv Shankar Damru Dhari Hai Jag Ke Aadhar (शिव शंकर डमरू धारी, है जग के आधार - भजन)

Shiv Shankar Damru Dhari,
Hai Jag Ke Aadhar,
Teeno Lok Pe Rahata Hai,
Unka Hi Adhikar,
Shiv Shankar Damru Dharin,
Hai Jag Ke Aadhar ॥Shivji Hi Srishti Sanchalak Hai,
Shivji Kan Kan Mein Vyapak Hai,
Ye Shiv Shankar Kailashi Hai,
Ye Shivji Kashiwasi Hai,
Inke Hathon Mein Hai Tribhuvan,
Sab Devon Par Inka Shasan,
Ye Bhole Jo Hai Shiv Shankar,
Sab Karte Hain Inka Aadar,
Mahadev Shiv Bhole Hai,
Devon Ke Sardaar,
Shiv Shankar Damru Dharin,
Hai Jag Ke Aadhar ॥

Shiv Ka Simran Hai Phaldai,
Shiv Ka Simran Hai Sukhdai,
Shiv Jaap Se Shanti Milti Hai,
Shiv Jaap Se Mukti Milti Hai,
Shiv Bhole Bade Dayalu Hai,
Shiv Bhole Bade Kripalu Hai,
Bhakton Pe Mehar Vo Karte Hain,
Shiv Jholiya Sabki Bharte Hai,
Shiv Ke Jaisa Koi Nahin,
Daani Aur Daataar,
Shiv Shankar Damru Dharin,
Hai Jag Ke Aadhar ॥

Vo Nirdhan Ho Ya Koi Dhani,
Is Baat Se Phark Nahin Koi,
Vo Rank Ho Ya Koi Raja,
Yaha Koi Nahin Hai Chhota Bada,
Shiv Ki Jo Sharan Mein Aate Hai,
Vo Kabhi Nirash Na Jaate Hai,
Shiv Sab Pe Karte Hain Kripa,
Milta Hai Sabko Pyaar Unka,
Mahakaal Mahadev Ji Hai,
Sab Ke Taranhar,
Shiv Shankar Damru Dharin,
Hai Jag Ke Aadhar ॥

Jeevan Mrityu Ke Adhikari,
Hai Yahi to Bhole Bhandari,
Hai Moksh Ke Data Shiv Shankar,
Hai Jagat Pita Ye Nageshwar,
Bhole Hi Bhagya Vidhata Hai,
Shiv Sarv Guni Hai Gyata Hai,
Shiv Simran Se Har Paap Dhule,
Shiv Ki Iccha Se Swarg Mile,
Shiv Ke Ek Ishare Par,
Khulte Moksh Ke Dwar,
Shiv Shankar Damru Dharin,
Hai Jag Ke Aadhar ॥

Jab Ant Samay Aa Jata Hai,
Aur Jeev Bahut Ghabrata Hai,
Jab Praan Pakheru Udta Hai,
Jeevan Mrityu Se Judta Hai,
Nirjeev Ho Jati Hai Kaya,
Mandrati Hai Mrityu Chhaya,
Tab Shiv Hi Sahara Dete Hai,
Naiyya Ko Kinara Dete Hai,
Bhavsagar Se Naiyya Ko,
Shiv Hi Lagate Paar,
Shiv Shankar Damru Dharin,
Hai Jag Ke Aadhar ॥

Hum Bhole Bhakt Tumhare Hai,
Hum Mangte Aaye Dware Hai,
Hey Mahadev He Shiv Shankar,
Kuch Daya Karo Hum Dukhiyon Par,
Hum Sab Dukh Dard Ke Mare Hai,
Ham Aaye Dwar Tumhare Hai,
Ardaas Hai Tumse Bas Itani,
Sun Lo a Bhole Bhandari,
Hum Par Bhi Kripa Karna,
Hey Jag Ke Kartaar,
Shiv Shankar Damru Dharin,
Hai Jag Ke Aadhar ॥

Shiv Shankar Damru Dhari,
Hai Jag Ke Aadhar,
Teeno Lok Pe Rahata Hai,
Unka Hi Adhikar,
Shiv Shankar Damru Dharin,
Hai Jag Ke Aadhar ॥