Sansar Ke Logon Se Aasha Na Kiya Karna,
Jab Koi Na Ho Apna,
Shri Krishn Kaha Karna ।
Krishna Krishna Krishna Krishna
Jeevan Ke Samundar Mein,
Toofan Bhi Aaten Hain,
Jo Hari Ko Bhajten Hain,
Hari Aap Bachate Hain ।
Vo Aap Hi Aayenge,
Bas Yaad Kiya Karna,
Jab Sath Na De Koi,
Shri Krishna Japa Karna ॥
Yah Soch Are Bande,
Prabhu Tujh Se Door Nahin,
Koi Kasht Ho Bhagaton Ko,
Prabhu Ko Manjoor Nahin ।
Bhagwan Ko Aata Hai,
Bhagton Pe Daya Karna,
Jab Koi Na Ho Apna,
Shri Krishna Kaha Karna ॥
Mat Bhool Are Bhaiya,
Yah Des Begana Hai,
Duniya Mein Aa Kar Ke,
Wapas Tujhe Jana Hai ।
Maya Ke Bandhan Se,
Din Raat Bacha Karna,
Jab Koi Na Ho Apna,
Shri Krishn Kaha Karna ॥
Dropadi Ne Pukara Tha,
Prabhu Bhi Bechain Hue,
Vo Cheer Badhane Ko,
Khud Cheer Mein Pragat Hue ।
Wohi Laaj Bachayenge,
Bas Dhyan Kiya Karna,
Jab Koi Na Ho Apna,
Shri Krishn Kaha Karna ॥
* Please share any of your suggestions or ideas with us.
** Please write your any type of feedback or suggestion(s) on our
contact us page. Whatever you think, (+) or (-) doesn't metter!