O Sherawali Maan,
Kya Khel Rachaya Hai,
Tu Pyar Ka Sagar Hai,
Tu Man Ka Kinara Hai,
O Sherawali Maan,
Kya Khel Rachaya Hai ॥
Dekhi Hai Teri Duniya,
Kya Rachna Rachai Hai,
Din Raat Ke Chakkar Mein,
Kuch Samajh Na Aai Hai,
Har Pal Jo Beet Raha,
Maan Tera Ishaara Hai,
O Sherawali Maan,
Kya Khel Rachaya Hai ॥
Mahlon Mein Bhi Duhkh Dekhe,
Aur Sadko Pe Khushhaali,
Koi Raja Hai Kismat Ka,
Koi Kismat Se Khali,
Sab Teri Leela Hai,
Sab Tera Fasana Hai,
O Sherawali Maan,
Kya Khel Rachaya Hai ॥
Koi Phoolon Pe So Na Sake,
Koi Kaanto Mein Hansta Hai,
Kahi Maut Hui Sasti,
Kahi Jeevan Mahanga Hai,
Koi Khushiyon Mein Dooba Hai,
Koi Gum Ka Mara Hai,
O Sherawali Maan,
Kya Khel Rachaya Hai ॥
Koi Janm Se Pahale Mare,
Koi Mar Ke Bhi Jeeta Hai,
Koi Ghaav Lagata Hai,
Koi Jakhmon Ko Seeta Hai,
Ye Kaisi Hakikat Hai,
Ye Kaisa Nazara Hai,
O Sherawali Maan,
Kya Khel Rachaya Hai ॥
Koi Duhkh Ko Sukh Samjhe,
Koi Sukh Mein Bhi Rota Hai,
Aasha Aur Trishna Ka,
Kabhi Ant Na Hota Hai,
Is Bhool Bhulaiya Mein,
Pada Daas Bechara Hai,
O Sherawali Maan,
Kya Khel Rachaya Hai ॥
O Sherawali Maan,
Kya Khel Rachaya Hai,
Tu Pyar Ka Sagar Hai,
Tu Man Ka Kinara Hai,
O Sherawali Maan,
Kya Khel Rachaya Hai ॥
* Please share any of your suggestions or ideas with us.
** Please write your any type of feedback or suggestion(s) on our
contact us page. Whatever you think, (+) or (-) doesn't metter!