Kshama Karo Tum Mere Prabhuji,
Ab Tak Ke Sare Aparadh
Dho Dalo Tan Ki Chadar Ko,
Lage Hai Usame Jo Bhi Daag
॥ Kshama Karo Tum Mere...॥
Tum to Prabhuji Manasarovar,
Amrit Jal Se Bhare Hue
Paras Tum Ho, Ek Loha Mai,
Kanchan Hove Jo Hi Chhuve
Taj Ke Jag Ki Sari Maaya,
Tumase Kar Loo Mai Anurag
Dho Dalo Tan Ki Chadar Ko,
Lage Hai Usame Jo Bhi Daag
॥ Kshama Karo Tum Mere...॥
Kaam Krodh Mein Phansa Raha Mann,
Sachchi Daagar Nahin Jaani
Lobh Moh Mad Mein Rahakar Prabhu,
Kar Daali Manamani
Manamani Mein Disha Galat Len,
Panhucha Vahan Jahan Hai Aag
Dho Dalo Tan Ki Chadar Ko,
Lage Hai Usame Jo Bhi Daag
॥ Kshama Karo Tum Mere...॥
Is Sundar Tan Ki Rachana Kar,
Tumane Jo Upakar Kiya
Hamane Us Sundar Tan Par Prabhu,
Aparadho Ka Bhar Diya
Narayan Ab Sharan Tumhare,
Tumase Preet Hoye Nij Raag
॥ Kshama Karo Tum Mere...॥