Shiv Hai Shakti, Shiv Hai Bhakti, Shiv Hai Mukti Dham ।
Shiv Hai Brahma, Shiv Hai Vishnu, Shiv Hai Mera Ram ॥
Aisi Subah Na Aye, Aye Na Aisi Sham ।
Jis Din Juba Pe Meri, Aye Na Shiv Ka Naam ॥
Om Namah Shivay, Om Namah Shivay, Om Namah Shivay ॥
Man Mandir Mein Vaas Hai Tera, Teri Chhavi Basai ।
Pyasi Atma Banke Jogan, Teri Sharan Mein Ayi ।
Teri Hi Sharan Mein Paya, Mainne Yah Vishram ॥ Aisi Subah Na Aye ॥
Om Namah Shivay, Om Namah Shivay, Om Namah Shivay ॥
Teri Khoj Mein Na Jene, Kitne Yug Mere Bite ।
Ant Mein Kaam Krodh Mad Hare, Hai Bhole Tum Jeete ।
Mukt Kiya Tune Prabhu Mujhko, Shat Shat Hai Pranam ॥ Aisi Subah Na Aye ॥
Om Namah Shivay, Om Namah Shivay, Om Namah Shivay ॥
Sarv Kala Sammpan Tumhi Ho, He Mere Parmeshwar ।
Darshan Dekar Dhany Karo Ab, He Trinetr Maheshwar ।
Bhav Sagar Se Tar Jaungi, Lekar Tera Naam॥ Aisi Subah Na Aye ॥